मनविसे जळगाव आयोजित "आदित्य चषक २००९"
(छायाचित्र संग्रह)
मनविसेचे अध्यक्ष श्री.आदित्य राजन शिरोडकर यांच्या वाढदिवसानिमित्त, मनविसे - जळगावने ४ ते ७ फेब्रुवारी दरम्यान राज्यस्तरीय एकांकिका स्पर्धा आयोजित केली आहे. या स्पर्धेचे उद्‌घाटन स्व:त श्री. आदित्य राजन शिरोडकर यांच्या हस्ते झाले. 

याप्रसंगी मनविसेचे उपाध्यक्ष सुधाकर तांबोळी, जळगाव जिल्हा संपर्क प्रमुख सचिन शिंदे, सहसंपर्क प्रमुख प्रथमेश कुलकर्णी हे उपस्थित होते. 

एकूण २० एकांकिकांचा सहभाग असलेल्या या स्पर्धेत औरंगाबाद, अमरावती, वर्धा आणि नाशिक येथील नामवंत संस्थांनी भाग घेतला आहे. प्रथम विजेत्यास रु १०००१ रोख पारितोषिक व "आदित्य चषक" आणि द्वितीय व तृतीय येणार्‍या एकांकिकेस अनुक्रमे रु. ७००१ व ५००१ रोख पारितोषिक देण्यात येणार आहे. या स्पर्धेला परीक्षक म्हणून गजानन संगेकर, सतीश देशमुख व मंजुषा भिडे हे अनुभवी रंगकर्मी लाभले आहेत. 

जिल्हा अध्यक्ष विनोद शिंदे, शहर अध्यक्ष राहुल मोपारी, शहर संघटक अजित शिंदे, उपशहर अध्यक्ष धनंजय खर्चे आणि इतर मनविसे कार्यकर्त्यांनी हा कार्यक्रम यशस्वी करण्यात विशेष मेहनत घेतली. 

`बॉलडान्स' चे अपूर्व यश
(छायाचित्र संग्रह)
`महाराष्ट्र नवनिर्माण विद्यार्थी सेनेने तरूणांच्या हिताचे पहिले पाऊल टाकले ते `बॉल डान्स'च्या रूपात . खरे तर `बॉल डान्स' ही कल्पनाच जगावेगळी होती. क्रिकेटमधील `बॉल' म्हणजे `चेंडू' आणि `डान्स' म्हणजे `नृत्य' असे दोन शब्द एकत्र करून क्रिकेट आणि नृत्य अशा दोन स्पर्धा आयोजित करण्यात आल्या होत्या त्या स्पर्धा विद्यार्थ्यांचे आकर्षण ठरल्या.
मुंबई, ठाणे, पुणे आणि नाशिक या चार महानगरातील महाविद्यालयीन विद्यार्थ्यांनी त्यात हिरीरीने भाग घेतला. दोन्ही स्पर्धांमध्ये भाग घेण्यासाठी या विद्यार्थ्यांची जणु अहमहमिकाच लागली. चुरस निर्माण झाली.
तरूणांमधील कला आणि क्रीडा गुणांना संधी देणार्‍या या पहिल्याच प्रयोगाने विद्यार्थ्यांची मने काबीज केली. त्याला जबरदस्त प्रतिसाद मिळाल्याने कार्यक्रमाची उंची वाढली. अंधेरीच्या क्रीडा संकुलात त्याच्या अंतिम स्पर्धा झाल्या, तेव्हा 35 हजारापेक्षा अधिक विद्यार्थ्यांच्या उपस्थितीने क्रीडा संकुल दणाणून गेले. विद्यार्थ्यांच्या जल्लोने पार पडलेला तो क्षण अविस्मरणीय होता.